Fransiyada kuniga 833 kishi koronavirusdan vafot etmoqda
arxiv foto
Soʻnggi 24 soat ichida Fransiyada kamida 833 kishi koronavirus bilan kasallangan. Bu haqda Fransiya sogʻliqni saqlash vaziri Olivye Veran maʻlum qildi.
“Epidemiya boshlangandan buyon 2417 kishi qariyalar uylarida vafot etdi. Bugungi kunga qadar vafot etganlarning umumiy soni 8911 kishini tashkil etadi. Bir kun oldin vafot etganlar soni 833 taga koʻpaydi”, deydi u.
Veranning soʻzlariga koʻra, hukumat qariyalar uylarida keng koʻlamli tibbiy koʻrik ishlarini tashkil qilmoqda. Vazir bunday chora mehmonlar orasida virus tashuvchisini aniqlash va yangi yuqumli kasalliklarning oldini olish uchun ularni boshqalardan ajratib qoʻyish mumkinligini taʻkidladi.
Shuningdek, uning aytishicha, 7 072 kishi hanuzgacha reanimatsiyada. Bu bir kun oldingi koʻrsatkichdan 94 taga koʻp.
Soʻnggi maʻlumotlarga koʻra, dunyoda 1 300 000 ga yaqin odam koronavirus bilan kasallangan va 70 mingga yaqin oʻlim holati qayd etilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring