Erdogʻan Yaqin Sharqdagi urushni toʻxtatishga chaqirdi
Turkiya Prezidenti Rejep Tayyip Erdogʻan AQSH va Isroilning Eron bilan urushini, mojaro eskalatsiyasi butun mintaqani qamrab olmasdan turib, toʻxtatishga chaqirdi. Uning soʻzlarini “Anadolu” agentligi keltirmoqda.
Partiyadoshlari oldida chiqish qilar ekan, Erdoʻgʻon vaziyatni diplomatik yoʻl bilan hal qilish “hali ham toʻlaqonli imkonli” ekanini taʼkidladi.
— Ushbu urush kengayib, mintaqani butunlay olov ichida qoldirmasdan avval uni toʻxtatish kerak, — dedi Turkiya yetakchisi.
Turkiya Prezidenti agar urush davom etsa, insoniy qurbonlar va moddiy yoʻqotishlar yanada koʻpayishi, dunyo iqtisodiyotiga yetkaziladigan zarar esa yanada ortishi haqida ogohlantirdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring