Endilikda qishloq xoʻjaligi yerlariga boʻlgan ijara huquqini sotish mumkin
2024-yil 1-martdan qishloq xoʻjaligiga moʻljallangan yer uchastkalari ijarachilariga ijaraga berilgan yer uchastkalari boʻyicha oʻz huquq va majburiyatlarini boshqa shaxsga oʻtkazishga (qayta ijaraga berishga) ruxsat etiladi.
Bunda:
— shartnoma boʻyicha huquq va majburiyatlar yer uchastkasidan foydalanish maqsadini oʻzgartirmagan holda oʻtkaziladi;
— ijaraga oluvchi yerga ijara huquqini oʻtkazishdan oldin undan kamida 3-yil, 2021-yilgacha hokim qarori bilan olgan boʻlsa, kamida 5-yil davomida oʻzi foydalangan boʻlishi kerak;
— ijaraga oluvchi auksion yoki ochiq elektron tanlov natijasiga koʻra boʻlib-boʻlib toʻlash yoki qoʻshimcha toʻlov majburiyatlarini toʻliq bajargan boʻlishi shart;
— yuridik shaxslar oʻzlariga toʻgʻridan toʻgʻri ravishda ijaraga berilgan yer uchastkalarini ijara huquqi davlat roʻyxatidan oʻtkazilgan paytdan boshlab 5-yildan keyin boshqa shaxsga oʻtkazishi (qayta ijaraga berishi) mumkin.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring