Bloomberg tomonidan tuzilgan roʻyxat quyidagicha koʻrinish olgan:

1. AstraZeneca. Ushbu vaksinaga jahondagi barcha buyurtmalarning uchdan bir qismi toʻgʻri keladi — 3,2 mlrd doza
2. Novavax — oldindan buyurtma qilingan dozalar soni 1,4 mlrd 
3. Johnson & Johnson — 1,3 mlrd doza
4. Sanofi & Glaxo — 1,2 mlrd doza
5. Pfizer & BioNTech — 1,1 mlrd doza
6. Moderna — 777,2 mln doza
7. Sputnik V — 537,4 mln doza

AstraZeneca va Oksford universiteti vaksinasi qashshoq mamlakatlardagi raqobatchilaridan oldinlab ketdi — Lotin amerikasi, Afrika, Yaqin sharq, Osiyo va Sharqiy Yevropa mamlakatlariga 2,4 mln doza vaksina kiritiladi. Bloomberg manbasining yozishicha, Oksford vaksinasiga katta talab uning arzon narxi — bir doza uchun $4-5 sababli yuzaga keldi. AQSHda Pfizer va BioNTech vaksinasining narxi $19,5 (ikki karra immunizatsiya uchun $39), Moderna vaksinasiniki esa $32-37 ni tashkil etadi. 

Rossiya toʻgʻridan-toʻgʻri investitsiya fondi “Sputnik V” vaksinasi narxi $10 dan arzonroq boʻlishini maʼlum qildi, yaʼni bir kishini emlash uchun kerak boʻlgan ikkita vaksina narxi $20 dan kam boʻladi.