DXX tamagir muhandislarni ushladi
Davlat xavfsizlik xizmatining Toshkent viloyati boʻyicha boshqarmasi va Iqtisodiy jinoyatlarga qarshi kurashish departamentining hududiy boshqarmasi xodimlari hamkorligida oʻtkazilgan tezkor tadbirda, “Hududgaz Toshkent” gaz taʼminoti filialining “Oʻrtachirchiqtumangaz” gaz taʼminoti boʻlimi yetakchi muhandisi M.O. mahalliy MCHJga qarashli avtomobillarga gaz quyish shoxobchasida belgilangan meʼyordan ortiq kompressor jihozlari oʻrnatilganligi uchun jarima rasmiylashtirmaslik evaziga 8 ming AQSH dollari olgan vaqtida ashyoviy dalillar bilan ushlandi.
Tezkor surishtiruv harakatlari davomida, u mazkur pul mablagʻini “Hududgaz Toshkent” gaz taʼminoti filialining yetakchi muhandisi B.M. koʻrsatmasiga asosan olganligi aniqlanib, ushbu shaxs ham qoʻlga olindi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring