DXX ikki nafar fuqaroni odam savdosi jinoyati qurboniga aylanishining oldini oldi
Davlat xavfsizlik xizmati hamda Ichki ishlar vazirligi xodimlari hamkorligida odam savdosiga qarshi kurash yoʻnalishida tezkor tadbir oʻtkazildi. Bu haqida “Xavfsizlik” Telegram-kanali xabar berdi.
Maʼlum qilinishicha, Toshkent shahrida istiqomat qiluvchi, 1998-yilda tugʻilgan fuqaro S.N. 2 nafar fuqaroni Tailand davlatiga fohishalik bilan shugʻullanish maqsadida yuborayotgan vaqtida Toshkent xalqaro aeroportida qoʻlga olingan.
Aniqlanishicha, ushbu jinoiy harakat hozirda Tailand davlatida boʻlgan, 2005-yilda tugʻilgan fuqaro F.A. tomonidan tashkillashtirilgan.
Hozirda mazkur shaxslarga nisbatan Jinoyat Kodeksining 135-moddasi 2-qismi “b”, “g”, “ye”, “z” bandlari bilan jinoyat ishi qoʻzgʻatilib, tergov harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring