Foto: “Xalq soʻzi”

“Oʻzgidromet” agentligi dam olish kunlari uchun ob-havo prognozini eʼlon qildi.

Unga koʻra, bugun, 23-may kuni kunduzi Oʻzbekiston hududiga salqin va nam havo massalari kirib kelgan. Bu esa respublika boʻyicha havo bulutli boʻlishiga olib keladi.

Baʼzi joylarda shamol 15-18 m/s gacha kuchayishi, chang-toʻzonlar kuzatilishi kutilmoqda. Ayrim joylarda shamol 22 m/s gacha kuchayishi mumkin. Harorat 28-31 daraja, janubda 35-38 daraja boʻladi.

24-24-may, dam olish kunlari Oʻzbekiston hududi boʻyicha yogʻingarchiliksiz ob-havo boʻlishi va harorat biroz koʻtarilishi kutilmoqda. Kunduzlari harorat 31-34 darajagacha isiydi.

Bugun kunduzi Toshkent shahrida qisqa muddatli yomgʻir yogʻadi, momaqaldiroq boʻlishi mumkin. Harorat 28-30 daraja boʻladi, shamol 12-17 m/s gacha kuchayadi. Shanba va yakshanba kunlari yogʻingarchilik kutilmaydi, harorat asosan 31-34 daraja boʻladi.

Eslatib oʻtamiz, avvalroq Toshkent shahar hokimligi poytaxtda kuzatilayotgan kuchli shamol va noqulay ob-havo sababli ogohlantirish bergan edi.

Unga koʻra, ob-havoning yomonlashuvi sababli simlarning uzilishi, daraxtlarning qulashi va havoda chang miqdorining koʻpayishi kuzatilishi mumkin.