Buyuk Britaniyada koronavirusning yana bir yangi shtammi aniqlandi. U qanchalik xavfli?
Illyustrativ foto
Buyuk Britaniyada koronavirusning yana bir yangi shtammi aniqlandi. Bu haqda mahalliy jamoat salomatligi saqlash boshqarmasi xabar bermoqda.
Muassasaning aniqlik kiritishicha, yangi mutatsiya Angliyaning janubi-sharqida Antiguadan yaqinda kelgan fuqarolarda aniqlangan. VUI-202103/01 nomlangan ushbu shtamm bilan hozircha ikki kishining zararlangani maʼlum boʻldi.
Mutaxassislar ular bilan aloqada boʻlgan odamlarni tekshirib chiqqan va yangi shtamm bilan boshqa zararlanish holatini qayd etilmagan.
Oʻtgan yilning dekabr oyi boshida Buyuk Britaniyada SARS-CoV-2 koronavirusining yangi stammi aniqlangan edi. Buyuk Britaniyaning Sogʻliqni saqlash vaziri Mettyu Xenkok mamlakatda SARS-CoV-2 koronavirusining yangi turi qayd etilganini, u tezroq tarqalayotganini, virus odamdan odamga yuqishi osonligini maʼlum qilgan edi.
Ayni paytga kelib, ushbu shtamm 111 davlatda, shu jumladan, Oʻzbekistonda ham aniqlangan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring