Oʻzbekiston Respublikasi Prezidentining “2021-2022-oʻquv yilida Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari toʻgʻrisida”gi qarori qabul qilingani haqida xabar bergan edik.

Qarorga muvofiq:

• 2021-2022-oʻquv yili qabulida abituriyentlarga test sinovi topshiriladigan fanlar majmuasi hamda fanlar ketma-ketligi bir xil boʻlgan beshtagacha bakalavriat taʼlim yoʻnalishi boʻyicha tanlovda ishtirok etish huquqi beriladi;
• Abituriyentlarga roʻyxatdan oʻtish jarayonida tanlagan bakalavriat taʼlim yoʻnalishlari ustuvorligiga qarab dastlab davlat granti, keyinchalik toʻlov-kontrakt asosida tanlovda ishtirok etish boʻyicha qoʻshimcha imkoniyat beriladi.
• Buning uchun abituriyentlarga onlayn roʻyxatdan oʻtish vaqtida tanlov uchun ustuvorlik sifatida “davlat granti” yoki “davlat granti va toʻlov-kontrakt”dan birini tanlash imkoniyati yaratiladi.

Bunda abituriyent ustuvorlik sifatida:

•  
• Davlat grantini tanlasa - dastlab davlat granti, soʻngra toʻlov-kontrakt asosida;
• Davlat granti va toʻlov-kontraktni tanlasa - oldingi yillardagi kabi davlat granti va toʻlov-kontrakt asosida tanlagan taʼlim yoʻnalishlari boʻyicha ketma-ket tanlovda ishtirok etadi.