Andijonda 44 ta xonadonga imtiyozli narxda koʻmir ajratishni vaʼda qilgan hokim yordamchisi ushlandi
Bosh prokuratura huzuridagi Departamentning Andijon viloyat boshqarmasi tomonidan DXX va IIB xodimlari bilan hamkorlikda oʻtkazilgan tezkor tadbirda Jalaquduq tumani hokimi yordamchisi D.I. kuz-qish mavsumida koʻmir yonilgʻisi yetkazib berilishini nazorat qilish va xavfsizligini taʼminlash boʻyicha ishchi guruh aʼzosi sifatida tuman koʻmir omboriga nazorat uchun masʼul etib biriktirilganligidan foydalanib, hududdagi 44 ta xonadon uchun 38,1 tonna koʻmirni imtiyozli narxda ajratib berishi evaziga “U.K.” MFY faoli M.A.dan 600 AQSH dollari pora talab qilib, ushbu pullar hisobidan 7 mln soʻmni koʻmir ombori hududida oʻzining boshqaruvidagi “Nexia-2” rusumli avtomashinasida olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 210-moddasi (pora olish) bilan jinoyat ishi qoʻzgʻatilib, tergov harakatlari oʻtkazilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring