“Amirsoy” dam olish maskanida katta hajmda qor koʻchishi kuzatildi
Kecha, 19-yanvar kuni “Amirsoy” dam olish maskanidagi kanatlar oldida qor koʻchishi kuzatildi.
Bu haqda Chimyon qor koʻchki stansiyasi kuzatuvchisi xabar bergan.
Qayd etilishicha, katta miqdordagi qor koʻchkisidan hech kim jabrlanmagan. Kuchli qor boʻron kuzatilishi toʻgʻrisidagi ogohlantiruv xati asosida maskanga aholi vaqtincha qabul qilinmagan.
Favqulodda vaziyatlar vazirligi xizmati tomonidan qor koʻchki atrofi zudlik bilan ogohlantiruvchi toʻsiqlar bilan oʻrab olingan.
Mutaxassislar fikriga koʻra, 16-yanvar kuni ham “Amirsoy”ga yaqin hududlarda ikkita katta hajmda qor koʻchkisi kuzatilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring