31 yillik muammo ijobiy yechim topdi

10:01 10 Noyabr 2020 Jamiyat
1067 0

Shahrixon tumanidagi  “Karnaychi” MFYda  66-umumtaʼlim maktabi binosining qurilishi 1989-yilda boshlangan edi. Ayrim sabablarga koʻra bunyodkorlik ishlari toʻxtab qoldi. Bu orada mahalla bolalari  39-maktabgacha taʼlim tashkiloti binosida faoliyat yuritayotgan 8-umumtaʼlim maktabi  filialiga qatnashga majbur boʻldilar.

— Mahallamiz maktabi muammosi  va nihoyat 31 yil deganda ijobiy yechim topdi, — deydi “Karnaychi” MFYda istiqomat qiluvchi Sanobar opa Doniyorova. — Viloyat hokimligi tashabbusi bilan farzandlarimiz yangi binoda tahsil oladigan boʻldi. Eng muhimi, ularning «Toshkent — Andijon — Oʻsh» magistral yoʻlidan maktabga qatnashlaridagi xavotirimiz ortda qoldi.

“Ark servis montaj” MCHJ tomonidan qurib bitkazilgan maktab binosi uchun mahalliy byudjet mablagʻlari hisobidan 5 milliard 900 million soʻm ajratildi. Natijada 520 nafar oʻquvchilarning zamonaviy sharoitda tahsil olishlariga imkon yaratildi. Maktab atrofini qoʻrgʻon devor bilan oʻrash, yangi sport zalini qurib bitkazish va qoʻshimcha jihozlar uchun yana 200 million soʻm mablagʻ ajratildi.

Saminjon HUSANOV,
“Xalq soʻzi”

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Yangiliklar taqvimi

Кластер