Maktabgacha yoshdagi bolalarni karantin vaqtida masofada oʻqitish tizimini ishlab chiqildi.Oʻzbekiston Respublikasi Maktabgacha taʼlim vazirligi Milliy teleradiokompaniyasi yordamida ota-onalarga maktabgacha yoshdagi bolalarga tizimli, foydali va rivojlantiruvchi taʼlim berishda uslubiy yordam sifatida “Onlayn bolalar bogʻchasi” dasturini ishlab chiqdi. U oʻz ichiga quyidagi taʼlim loyihalarini qamrab oladi:

• “Ilk qadam” — 3-5 yoshdagi bolalar uchun;
• “Aqlvoy” — 6 yoshdagi bolalarni maktabgacha tayyorlash uchun.

Loyihalar nimalarga bagʻishlangan?

20-25 daqiqalik ushbu videolavhalar “Ilk qadam” va “Aqlvoy” davlat dasturlari negizida tayyorlangan. Har bir mashgʻulot mavzusi maktabgacha yoshdagi bolani rivojlantirishning 4-5 soha: atrof olamni oʻrganish, ijodiy va taʼlim olish, nutq va mantiqiy qobiliyatlarini rivojlantirishni qamrab oladi:

“Ilk Qadam” — bu:

• quvnoq qahramonlar ishtirokidagi ertalabki badantarbiya;
• interfaol oʻyin shaklidagi ingliz tili mashgʻuloti;
• mental arifmetika va matematik hisob asoslari;
• yosh sayyoh (mitti doʻstlarimiz uchun Oʻzbekistonning qadimgi shaharlari haqida koʻrsatuvlar toʻplami);
• mitti yordamchi (oshxona taomlari tayyorlash boʻyicha mahorat darslari);
• logoped bilan mashgʻulot.

“Aqlvoy” — bu:

• MTT pedagoglari va milliy qahramonlar (Amir Temur, Zulfiya, Ibn Sino, Mirzo Ulugʻbek, Tamaraxonim) ishtirokidagi bolalar taʼlim koʻrsatuvlari;
• mahorat sinflari;
• uy sharoitlarida amaliy tajribalar.

Mashgʻulotlarni qayerda tomosha qilish mumkin?

TELEVIDENIE

1-apreldan boshlab “Bolajon” telekanalida dushanbadan jumagacha soat 8:00 dan 16:00 gacha.

INTERNET

Onlayn-mashgʻulotlar quyidagi internet-resurslarda joylashtiriladi:

• MTV rasmiy sayti: http://Mdo.uz
• Youtube: https://www.youtube.com/channel/UC4FSqnbmdHr3JzcmsPO0jpg
• instagram: @mdo.uz
• facebook: @mtv.gov.uz