Фото: AP

Украина президенти Владимир Зеленский ўзининг АҚШ президенти Доналд Трампнинг Қримга бўлган даъволардан воз кечиш орқали можарога чек қўйиш мумкинлиги ҳақидаги баёнотига изоҳ берди.

«Ўшанда Қрим ташлаб кетилмаслиги керак эди», — деди Зеленский.

Шунингдек, у ҳарбий ҳаракатларни тезроқ тугатишга интилаётганини таъкидлаб, узоқ муддатли тинчликка эришиш зарурлигини таъкидлади.

Олдинроқ Трамп агар Зеленский Қримдан воз кечса ва НАТОга кирмасликка рози бўлса, можарога деярли дарҳол барҳам бериши мумкинлиги ҳақида фикр билдирганди.

Бугун Оқ уйда Трамп ва Зеленскийнинг февралдаги келишмовчилигидан кейин биринчи шахсий учрашуви бўлиб ўтади. АҚШ Давлат котиби Марко Рубионинг айтишича, мулоқот мавзуларидан бири Украина учун хавфсизлик кафолатлари масаласи бўлади.

АҚШ президентининг махсус вакили Стив Уиткофф эса Вашингтон ҳудудий масалаларда келишувларга эришиш кутилаётгани билдирди.

Музокараларда Германия канцлери Фридрих Мерц, Буюк Британия бош вазири Кир Стармер, Франция президенти Эммануэлл Макрон, Италия бош вазири Жоржа Мелони, Финляндия президенти Александр Стубб, Европа комиссияси раҳбари Урсула фон дер Ляйен ва НАТО бош котиби Марк Рютте ҳам иштирок этади.

Трамп дастлаб Зеленскийнинг икки томонлама учрашув ўтказади. Шундан сўнг Европа Иттифоқи етакчилари билан кўп томонлама форматда мулоқот ташкил этилади.

Аввалроқ Зеленский Вашингтонга келганидан хурсандлигини ва можарога барҳам бериш истагида эканлигини айтганди.