Зеленский Россия вакиллари билан учрашишга тайёрлигини маълум қилди
Фото: AP
Киев ҳар қандай эмоция ва ҳис-туйғуларни четга суриб, можаронинг ечимига эришиш учун Россия вакиллари билан учрашади.
Бу фикрларни Украина президенти Владимир Зеленский журналистлар билан бўлиб ўтган матбуот анжуманида айтиб ўтди.
«Агар сиёсий ирода бўлса..., учрашув муаммо эмас. Агар бизни урушни тугатишга яқинлаштирадиган ишлаб чиқилган вариантлар мавжуд бўлса, биз ҳеч қандай танаффус ёки ҳаяжонларсиз олдинга интиламиз», — дейди Украина раҳбари.
Шу йилнинг 19 март куни АҚШ президенти Дональд Трамп Владимир Зеленскийга қўнғироқ қилиб, Украинадаги можарони ҳал қилиш масаласини, шунингдек, ўт очишни тўхтатиш режимини кенгайтириш имкониятларини муҳокама қилди. АҚШ раҳбарининг айтишича, мулоқот «жуда яхши» ўтган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг