Юлия Рисюкова Президент Администрациясида лавозимга тайинланди
Фото: Президент матбуот хизмати
Ўзбекистон Республикаси Президенти Администрациясида тайинловлар амалга оширилди. Бу ҳақда Президент матбуот котиби Шерзод Асадов маълум қилди.
Қайд этилишича, Президент Администрацияси раҳбарининг фармойиши билан Юлия Василевна Рисюкова Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари бўлинмасининг лойиҳа координатори лавозимига тайинланган. Шу муносабат билан у Таълимни ривожлантириш республика илмий-методик маркази директори лавозимидан озод этилган.
Шунингдек, Ўзбекистон Республикаси Президенти Администрацияси раҳбарининг фармойиши билан Шахзодбек Каримович Курбаниязов Таълимни ривожлантириш республика илмий-методик маркази директори лавозимига тайинланди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг