Тошкентда патруль хизмати автомобиллари ўзгармоқда (фото)
Тошкент шаҳар ИИББ ЙҲХБ йўл-патруль хизматининг автопарки босқичма-босқич янгилаб борилмоқда. Бу ҳақда шаҳар ИИББ матбуот хизмати хабар берди.
Янги автомобиллар инспекторларнинг кундалик хизмати учун керак бўлган барча зарур алоқа воситалари ҳамда ташқи ва салон ичини доимий тасвирга олишга мўлжалланган кузатув камералари билан жиҳозланган.
Шунингдек, пост-патруль хизмати автомобиллари ҳам янги дизайнга эга бўлган. “Бу тизимда олиб борилаётган ўзгаришларнинг бир қисми бўлиб, Тошкент шаҳар ички ишлар органлари хизмати сифат жиҳатидан янги босқичга қадам қўяётганидан далолат беради”, — дейилади хабарда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг