Японияда ҳаво ҳароратининг кескин кўтарилиши туфайли ҳаётдан кўз юмганлар 130 нафардан ошди
Токиода 12 августдан бери Япония пойтахтида кузатилган жазирама туфайли 131 киши ҳалок бўлди.
NHK телеканали маълумотларига кўра, ҳалок бўлганларнинг барчаси 50 ёшдан ошган фуқаролар бўлиб, аксарияти 70 ёшдан ошганларни ташкил этади.
Таъкидланишича, қурбонларнинг барчаси кондиционер бўлмаган уйларда ёки квартираларда яшашган.
Японияда сўнгги етти кун ёзнинг энг иссиқ кунига айланган. Токиода ҳаво ҳарорати 35-36 даражага етган.
Ўтган йили эса республика бўйлаб иссиқ сабаб 126 киши ҳалок бўлган, 70 мингдан ортиқ аҳоли жабрланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг