Япония императорининг ягона қизи 20 ёшга тўлди. У ўзининг императорлик вазифаларини бошлаш арафасида
Фото: japantimes.co.jp
Япония императори Нарухитонинг ягона фарзанди Аико Найсинно, кеча, 1 декабрь куни 20 ёшга тўлди. У Япония қонунларига кўра, ўзининг императорлик вазифаларини бошлаш арафасида.
Аико 20 ёшга тўлгани муносабати билан ягона ворис сифатида ёзма баёнот берди.
Малика ўз баёнотида оиласига императорлик бурчларини бажаришда ёрдам беришга тайёр эканини маълум қилди.
«Мен император хонадонининг вояга этган аъзоси сифатида барча бурчларимни чин дилдан бажараман», дейилади унинг баёнотида.
Малика Аико келаси йил март ойининг учинчи ҳафтасида ўз императорлик вазифалари ҳақида матбуот анжумани ўтказишни режалаштираётганини маълум қилди.
Шунингдек, у одамларнинг COVID-19 пандемияси туфайли қийинчиликларни бошдан кечираётганидан хавотирда эканини билдирди.
«Кўпчилик ўлимига сабаб бўлаётган пандемия қалбимни ларзага солмоқда. Мен тинч ва ёрқин ҳаёт тезроқ қайтишига умидворман», дейди у.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг