Фото: AP

Россия Мудофаа вазири Сергей Шойгу январь ойида Украина Қуролли кучларининг йўқотишларини 23 минг кишига баҳолади.

“Январь ойида Украина қўшинларининг йўқотишлари 23 минг кишидан ошди”, — деди вазир Россия Қуролли кучлари раҳбарияти билан бўлиб ўтган мажлисда.

“Кенг қамровли ҳарбий амалиётлар таъсири натижасида Украина Қуролли кучларининг ўтган ойдаги йўқотишлари 23 минг кишидан ошиб кетди”, — дейди армия генерали.

Вазир бу ерда ҳалок бўлган ва яраланганларни назарда тутмоқда.

Унинг таъкидлашича, Киев ўзининг қолган захираларини жангга ташламоқда ва мудофаани бой бермасликнинг олдини олиш учун шошилинч равишда мажбурий сафарбарлик ўтказмоқда.

Россия бўлинмалари олдинга силжиб, назорат зоналарини кенгайтирмоқда. Купянский, Краснолиманский ва Донецк йўналишларидаги фаол операциялар давомида Веселое, Крахмалное ва Табаевка аҳоли пунктлари озод қилинган.

Украинанинг техникадаги йўқотишлари ҳақида гапирар экан, Шойгу россиялик ҳарбийлар Украина Қуролли кучларининг уч мингдан ортиқ турли хил қуролларини, жумладан, Германиянинг “Leopard” танклари, америкалик “Bradley” пиёда жанговар машиналари, “Patriot” ва “HIMARS” ракета тизимларини йўқ қилганини айтди.

Шунингдек, январь ойида армия Украинадаги ҳарбий инфратузилма ва ҳарбий-саноат комплекси объектларига 127 та аниқ зарбалар берди.

“Қурол-яроғ ишлаб чиқариш, модернизация қилиш ва таъмирлаш корхоналари, арсеналлар, ҳарбий аэродромлар, ёқилғи омборлари, Украина Қуролли кучлари бўлинмалари ва хорижий ёлланма аскарларнинг жойлашуви зарбага учради”, — деди вазир.