Трамп: Исроил ва ҲАМАС ўртасидаги уруш якунланди
АҚШ президенти Дональд Трамп Исроил билан Фаластиннинг ҲАМАС ҳаракати ўртасидаги уруш якунланганини эълон қилди. Бу ҳақда у Исроил парламенти — Кнессетдаги чиқиши олдидан журналистларга маълум қилди, деб хабар бермоқда «Коммерсантъ».
Трампнинг сўзларига кўра, у ҲАМАС раҳбарияти қуролсизланиш бўйича режани тўлиқ амалга оширишига ишонади.
«Бу мен учун катта шараф. Буюк ва гўзал кун, янги бошланиш», — деб ёзган Трамп Кнессет меҳмонлар дафтарида.
Маълумот учун, Ғазо секторидаги ўт очишни тўхтатиш келишуви 10 октябрдан кучга кирган бўлиб, у Дональд Трампнинг тинчлик режаси доирасида амалга оширилган.
ҲАМАС аллақачон 20 нафар исроиллик гаровдагини озод этиб, уларни Халқаро қизил Хоч қўмитаси ходимларига топширган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг