Тошкентда «заправка» сифатсиз бензинни сотувга чиқаргани маълум бўлди
Иллюстратив фото
Тошкент шаҳрида сифатсиз АИ-80 маркали автобензинни сотувга чиқарган АЁҚШга чора кўрилди. Бу ҳақда Электр энергияси, нефть маҳсулотлари ва газдан фойдаланишни назорат қилиш инспекцияси хабар қилди.
Инспекциянинг Тошкент шаҳар ҳудудий бошқармаси томонидан ўтказилган назорат тадбирида «И.Д.П.» МЧЖга қарашли АЁҚШ томонидан сотилаётган АИ-80 маркали автобензиндан намуналар олиниб, лабораторияда таҳлил қилинганда давлат стандарт талабларига мос келмаслиги (сифатсиз) аниқланди.
Натижада қоидабузарга Ўзбекистон Республикасининг 940-сонли Қонунининг 43-моддасига асосан реализация қилинган 1 638 литр автобензин қийматининг 50 фоизи миқдорида иқтисодий санкция қўлланилди.
Шунингдек, аниқланган қолдиқ сақланаётган сифатсиз нефть маҳсулотларини сотувга чиқармаслик ва сифатини қайта тиклаш лозимлиги бўйича кўрсатма берилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг