Тошкентда севган қизини ҳақорат қилгани учун йигит ўз дўстини пичоқлади
Фото: Ўзбекистон Республикаси Ички ишлар вазирлиги ҳузуридаги Тергов департаменти
Тошкент шаҳрининг Яшнобод туманида 21 ёшли йигит ўз дўстини пичоқлади. Бу ҳақда Ўзбекистон Республикаси Ички ишлар вазирлиги ҳузуридаги Тергов департаменти хабар берди.
Маълумотларга кўра, воқеа жорий йилнинг 10 февраль куни содир бўлган. Оҳанграбо кўчасида яшовчи йигит 20 ёшли танишиникига борди. Улар учрашганида, йигитлар спиртли ичимликлар ичишган, шундан сўнг улар ўртасида жанжал келиб чиққан. 21 ёшли йигит дўстининг танасининг турли қисмларига бир нечта пичоқ билан жароҳат етказган.
Оқибатда жабрланувчи шаҳар клиник шифохонасига ётқизилган.
Тергов жараёнида жабрланувчи дўстининг севгилиси ҳақида ёмон гапиргани, натижада улар ўртасида жанжал келиб чиққани аниқланган.
Мазкур ҳолат юзасидан Жиноят кодексининг 104-моддаси 2-қисми (Қасддан баданга оғир шикаст етказиш) билан жиноят иши қўзғатилган. Жиноятчи процессуал тартибда ушланган.
Қайд этилишича, ушбу турдаги жиноят учун Жиноят кодекси нормаларига кўра, 5 йилдан 8 йилгача озодликдан маҳрум қилиш жазоси назарда тутилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг