Тошкентда BYD билан тўқнашган «Hongqi» иккига бўлиниб кетди
Видеодан кадр
Тошкент шаҳрининг Олмазор туманида содир бўлган йўл-транспорт ҳодисаси оқибатида «Hongqi» русумли машина иккига бўлиниб кетди. Бу ҳақда пойтахт Йўл ҳаракати хавфсизлиги бошқармаси хабар берди.
Маълум қилинишича, бугун, 3 декабрь куни соат 10:25 да Олмазор тумани КХАЙ кўчаси 20/3-уй қаршисида «Hongqi» русумли автомашинаси ва BYD русумли автомашиналари тўқнашиши оқибатида йўл транспорт ҳодисаси содир бўлган.
ЙТҲ ортидан ҳар иккала автомашина ҳайдовчиларига биринчи тез тиббий ёрдам кўрсатилган.
Ҳозирда мазкур ҳолат юзасидан Тошкент шаҳар ИИББ ЙҲХБ ҳамда ФВБ масъул ходимлари томонидан суриштирув ишлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг