Тошкент шаҳар Экология бошқармаси Мирзо Улуғбек туманида 10 тупдан ортиқ дарахтнинг тана қисмига номаълум суюқлик юборилгани акс этган видео юзасидан муносабат билдирди
Қайд этилишича , бошқарма ихтиёрига Мирзо Улуғбек тумани , Нур МФЙдаги 31-уйнинг орқа томонида экилган 12 туп павлония дарахтининг тана қисмига номаълум шахслар томонидан суюқлик юборилгани тасвирланган видеолавҳа келиб тушган .
Ушбу мурожаат пойтахт Экология , атроф-муҳитни муҳофаза қилиш ва иқлим ўзгариши бошқармасининг туман инспектори томонидан жойига чиқиб ўрганилган .
«Дарахтининг тана қисми қурилиш дрели ёрдамида тешилиб , номаълум суюқлик юборилган », дейилади хабарда .
Фото: Тошкент шаҳар Экология бошқармаси
Қўшимча қилинишича , ҳолат юзасидан тегишли тартибда далолатнома расмийлаштирилган , шунингдек , вазиятга ҳуқуқий баҳо бериш ҳамда ҳуқуқбузарнинг шахсини аниқлашда амалий ёрдам бериш бўйича тегишли ташкилотларга мурожаат қилинган .
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг