Танзанияда 15 киши номаълум вирусдан вафот этди
Танзанияда 15 киши номаълум касаллик туфайли ҳалок бўлди. Бу ҳақда The Mirror нашри хабар берди.
Aфриканинг жанубий штатидаги Мбея ҳудуди бўйлаб тарқалган номаълум вирус сабабли 50 дан ортиқ одам касалхонага ётқизилган. Вирус юқтирган беморлар бир неча соат ичида қон қусган ва вафот этган. Бундан ташқари, касаллик кўнгил айнишини ҳам келтириб чиқариши мумкин.
Маҳаллий тиббиёт мутахассислари эпидемиянинг кенг тарқалиши эҳтимолдан йироқ эмаслигини айтишди. Уларнинг таъкидлашича, кўпинча эркаклар касалликдан азият чекишади.
Шунингдек, шифокорлар маҳаллий сув таркибидаги симоб миқдорини текширишмоқда.
Ҳукумат вакилларининг сўзларига кўра, 2018 йилда ҳам Танзанияда шунга ўхшаш ҳолат кузатилган. Касалликка чалинган беморларда кўнгил айниши, иситма, қонли қусиш каби аломатлар намоён бўлган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг