Сурхондарёда ЙТҲ натижасида 5 киши ҳалок бўлди
Сурхондарё вилояти Жарқўрғон туманидаги Ҳайитобод маҳалласи ҳудудидан ўтувчи М-41 автомобиль йўлининг 1572 километрида ҳаракат хавфсизлиги билан боғлиқ ҳунук ҳодиса содир бўлди.
ЎзА хабарига кўра, “ВАЗ-2106” русумли давлат белгиси 75 Е 482 АА автомашинаси Қумқўрғон – Жарқўрғон йўналиши бўйича ҳаракатланиб, қарама-қарши томондан келаётган “Матиз” русумли давлат белгиси 75 S 094 JA автомашинаси ҳаракат йўналишига чиқиб кетган ва тўқнашув содир этган.
Оқибатда “Матиз” ҳайдовчиси ва бир нафар йўловчи ҳамда “ВАЗ-2106” русумли автомашинада бўлган уч нафар йўловчи олган жароҳатлари сабабли туман тиббиёт бирлашмасида вафот этди. Бир йўловчи ва “ВАЗ-2106” русумли автомашина ҳайдовчиси тан жароҳати билан шифохонага ётқизилди.
Мазкур воқеа юзасидан Ўзбекистон Республикаси Жиноят кодексининг 266-моддаси, 3-қисми “а” банди билан жиноят иши қўзғатилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг