Сурхондарёдаги «заправка»да «Damas» ёниб кетди
Сурхондарё вилояти Қумқўрғон туманида жойлашган «заправка»да «Damas» ёниб кетди. Вилоят Фавқулодда вазиятлар бошқармаси ҳодиса юзасидан маълумот берди.
Қайд этилишича, бугун, 9 июль куни соат 12:40 да Қумқўрғон тумани «Сурхон соҳили» МФЙда жойлашган автомобилларга сиқилган газ қуйиш шохобчаси ҳудудида «Damas» русумли автомашина ёнаётгани тўғрисида ФВБга хабар келиб тушган.
Манзилга 12-Ёнғин қутқарув қисмидан 1 та ёнғин қутқарув экипажи соат 12:45 да етиб борган ва 12:47 да алангани ўраб олган. Орадан 6 дақиқа ўтиб эса ёнғинни тўлиқ ўчирган.
ФВБга кўра, ҳодиса оқибатида тан жароҳати олганлар йўқ. Ҳозирда ёнғиннинг келиб чиқиш сабаби ва етказилган зарар миқдори аниқланмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг