Стресс эшитиш қобилиятининг йўқолишига олиб келиши мумкин. Бу ҳақда оториноларинголог Яна Никиткина маълумот берди.

“Стресс туфайли эшитиш қобилиятининг йўқолишига сабаб бўладиган турли касалликлар ривожланиши мумкин. Агар бемор бирон бир касаллик ёки айрим аъзо ва тизимларнинг майда, субклиник бузилишларига мойиллик бўлса, стресс фонида патология пайдо бўлиши мумкин”, деди шифокор.

Шифокорлар кўпинча генетик касалликлар туфайли болаларнинг эшитиш қобилияти йўқолишига дуч келишади. Катталарда эса бу жараёнда ирцият маълум роль ўйнайди.

Ҳар қандай ёшдаги одамлар эшитиш қобилиятини йўқотишга мойил. Қулоқлардаги яллиғланиш касалликлари кўпроқ ёшларда учрайди. Кексаларнинг эса эшитиш қобилиятини йўқотиш эҳтимоли юқори, бу эшитиш нерв ҳужайраларининг ёшга боғлиқ бузилиши билан боғлиқ.

Унга кўра, эшитиш қобилиятининг ёмонлашиши ва йўқолиши ташқи, ўрта ва ички қулоқнинг яллиғланиш касалликлари, отосклероз, турли хил шикастланишлар ва метаболик ҳамда қон томирларининг бузилиши билан боғлиқ бошқа касалликларнинг белгиларидир.

“Эшитиш қобилиятини тиклаш учун энг муҳими эрта ташхис қўйиш ва ўз вақтида даволашдир”, дея хулоса қилди шифокор.