«Спутник V» вакцинаси Россиянинг барча ҳудудларига етказиб берилди
Фото: Getty Images
Россия аҳолисини коронавирусга қарши оммавий эмлаш учун «Спутник V» вакцинаси мамлакатнинг барча ҳудудларига етказиб берилган.
Бу ҳақда Россия соғлиқни сақлаш вазири Михаил Мурашко айтиб ўтди.
«Президент топшириғи бажарилди ва аҳолини оммавий эмлаш учун вакцина Россиянинг барча минтақаларига етказиб берилди», деган Мурашко.
10 декабрь куни Н. Ф. Гамалея номидаги Эпидемиология ва микробиология Миллий тадқиқот маркази директори Александр Гинцбург 150 мингдан ортиқ аҳоли «Спутник V» билан эмланганлигини маълум қилганди.
2 декабрь куни Президент Владимир Путин коронавирусга қарши кенг кўламли эмлаш кампаниясини бошлаш тўғрисида топшириқ берди. Унга кўра, биринчи навбатда ўқитувчилар, тиббиёт ходимлари ҳамда ижтимоий соҳа ходимлари эмланади.
5 декабрь куни Москвада биринчи эмлаш пунктлари очилди.
«Спутник V» дунёдаги биринчи рўйхатга олинган "Covid-19"га қарши вакцина ҳисобланади. Препарат билан эмлаш икки босқичда амалга оширилади ва у 42 кун ичида касалликка қарши иммунитетни ривожлантиради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг