Сирдарёда шоли ўрими бошланди
Аҳмадали ШEРНАЗАРОВ/«Халқ сўзи». Шолидан бир йилда икки марта ҳосил олса бўладими? Сайхунобод туманидаги «Озодбек Шавкат» фермер хўжалигида бу борада олиб борилаётган ишларнинг дастлабки натижалари ушбу саволга ижобий жавоб бериш имконини берди.
Гап шундаки, август ойи бошида фермер хўжалигида пишиб етилган шоли ўриб-йиғиб олинди. Экиндан бўшаган ерга пешма-пеш яна шоли кўчатлари экилди. Ушбу иш махсус техника воситаларида механизация йўли билан бажарилди.
Айни янгиликка бағишланган амалий семинарда маълум қилинишича, биринчи ҳосил учун апрель ойида шолининг маҳаллий ўртапишар «Искандар» навининг иссиқхонада тайёрланган 30-35 кунлик кўчатлари экилган. Иккинчи ҳосил учун шолининг 25 кунлик эртапишар «Гулистон» нави кўчатлари экилди.
Ҳисоб-китобларга кўра, икки марта экилган шолиларнинг умумий ҳосилдорлиги 110-120 центнерга етиши кутилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг