“Сирдарё ҳақиқати” газетаси бўлим мудири ўз хонасида кутубхона ташкил этди
“ХАЛҚ СЎЗИ ONLINE”. Аҳмадали Шерназаров/Сирдарё. “Сирдарё ҳақиқати” вилоят газетаси бўлим мудири Муҳаммад Али Аҳмад (Мамадали Аҳмедов)нинг хизмат хонасидаги китоб жавонларида 600 тадан зиёд адабиёт бор.
Ва уни ҳеч шубҳасиз, ишхонадаги мўъжаз кутубхона ҳам дейиш мумкин. Зеро, мазкур таҳририятда бўлган таниқли шоирлардан бири ана шу хонани кўриб, “Бу жой таҳририят кутубхонасими?”, деб сўрагани ҳам бежиз эмас. Аслида ҳам шундай. Хонада сақланаётган адабиётлар таҳририят жамоасининг ижодий ишларида тез-тез асқатиб туради. Қолаверса, китоблар мутолаа учун ҳам бериб турилади.
Журналист Муҳаммад Али Аҳмаднинг китобсеварлигини нафақат вилоятда, балки мамлакатимизда кўпчилик яхши билади. Унинг бир вақтлар мактабга 30 та китоб совға қилганлиги ОАВда ҳам эътироф этилган эди.
Ҳозир Муҳаммад Али Аҳмаднинг уйида 5 минг адабиёт фондига эга шахсий кутубхонаси ҳам бор.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг