Фото: Reuters

Сингапур ҳукумати коронавирус аниқланган фуқаролар вакцина олмаган бўлса, уларга тиббий тўловларни тўламайди. Бу ҳақда мамлакат соғлиқни сақлаш вазирлиги томонидан маълум қилинди.

"Ҳозирда вакцина олмаган одамлар интенсив стационар ёрдамга муҳтож бўлганларнинг аксариятини ташкил қилмоқда ва бизнинг соғлиқни сақлаш ресурсларимизга номутаносиб юк бўлмоқда", дейилади вазирлик баёнотида. 

Қайд этилишича, 8 декабрдан кейин "COVID-19" билан касалхонага ётқизилган, вакцина олмаган беморлар бепул даволанмайди. Фақат эмлаш тақиқланган 12 ёшгача бўлган инфекция билан зарарланган болалар бу ҳолатдан истисно қилинади.

Сингапур Соғлиқни сақлаш вазирлиги коронавирус пандемияси бошланганидан бери ҳукумат фуқаролар ва мамлакатда доимий яшовчиларнинг тиббий тўловларини тўлаганини таъкидлади. Шу билан бирга Сингапурда аҳолининг 85 фоизи тўлиқ эмланган, яна 18 киши "COVID-19"га қарши вакцинанинг учинчи дозасини ҳам олган.

Аввалроқ, цингапурлик тиббий маслаҳатчи Дейл Фишер  "COVID-19" ташхиси қўйилган, аммо тузатиб бўлмайдиган беморларни касалхонага ётқизмасликни, агар улар истаса, уйда даволаниш ва ҳатто ҳаётдан кўз юмиш имкониятини бериш мантиқий эканини айтган эди. 

Унинг изоҳлашича, бу амалиёт бемор учун ҳам, унинг яқинлари учун ҳам, соғлиқни сақлаш тизими учун ҳам яхшироқдир.