Шавкат Мирзиёев: “Аччиқ-аччиқ гапларни айтинглар”
Президент Шавкат Мирзиёев Тошкент вилояти ҳокимлигида ўтаётган фаоллар йиғилиши давомида Суриядан қайтарилган 156 нафар ўзбекистонлик ҳақида тўхталиб ўтди. Бу ҳақда Тошкент вилояти ҳокимлиги матбуот хизмати хабар берди.
“Кеча Суриядан келган 15 яшар қиз она бўлган. Қани унинг отаси? Қизнинг ота-онаси қаерда?..
Бирорта нуроний йўқ! Аччиқ-аччиқ гап айтинглар. Уларни Ватанга олиб келишнинг ўзи бўлгани йўқ.
Фақат қарсак, қарсак, ура-ура...
Бирорта шоир чиқмади: Уйғонайлик энди, деб...
Уят бўлса ҳам айтиш керак, 156 нафар Сурияга кетганлар нима учун кетган? Кимни излаб кетган? Тан олиш керак, биз уларга шароит яратиб бермаганимиз учун кетган!..
Мен Конституцияга кўра чора кўришим керак аслида. Лекин, мен ундай қилмайман. Чунки, улар ўзбек, бизнинг ватандошларимиз!..
Уларни Ватанга олиб келиш азоб бўлди. Жуда оғир бўлди. Биз ҳаммамиз бу ҳолатни чуқур ўйлашимиз керак...”, — деб айтган Президент.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг