Россиянинг «Red Wings» авиакомпанияси Қозон — Тошкент — Қозон йўналиши бўйича авиақатновларни йўлга қўймоқда
Россиянинг «Red Wings» авиакомпанияси Қозон — Тошкент — Қозон йўналиши бўйича мунтазам йўловчи қатновларини йўлга қўймоқда.
Шаҳарлар ўртасида парвозлар 2023 йилнинг 16 ноябрида бошланиши режалаштирилган. Рейслар ҳафтада бир марта, пайшанба кунлари СУ95 типидаги самолётларда мунтазам равишда амалга оширилади.
«Red Wings» — Домодедово аэропортида жойлашган Россия авиакомпанияси бўлиб, мунтазам ва чартер йўловчи рейсларини амалга оширишга ихтисослашган. Бугунги кунда авиаташувчи Ўзбекистоннинг бешта шаҳридан Россия Федерациясининг бешта шаҳрига парвозларни амалга оширмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг