Россиянинг коронавирусга қарши вакцинаси синовининг 3 босқичи эмлаш билан параллель равишда бошланди
Россиянинг Н.Ф.Гамалея номидаги Миллий эпидемиология ва микробиология илмий маркази томонидан ишлаб чиқилган “Спутник V” коронавирус вакцинаси клиник синовларининг учинчи босқичи бошланди.
Бу ҳақда Россия Федерацияси Соғлиқни сақлаш вазирлиги раҳбари Михаил Мурашко маълум қилди.
«Бугун коронавирусга қарши вакцина бўйича клиник синовларнинг учинчи босқичи эмлаш жараёни билан параллель равишда бошланади», дея маълум қилган Мурашко.
Таъкидланишича, 40 минг киши иштирок этадиган тадқиқот давомида кўнгиллиларнинг бир қисми препарат ўрнига платсебо қабул қилади.
Гамалея институти директори, академик Александр Гинсбургнинг таъкидлашича, вакцина аллақачон Москва поликлиникаларига етказиб берилган.
Маълумот ўрнида, Россия Федерацияси президенти 11 август куни коронавирусга қарши дунёдаги биринчи вакцина рўйхатдан ўтказилгани ва уни ишлаб чиқариш бошлангани тўғрисида айтиб ўтган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг