Россияда совет захиралари тугади – эксперт
Украина таҳлилчиларининг фикрига кўра, Россия совет ҳарбий техникаси захираларини тугатди. «Financial Times» нашри Киев иқтисодиёт мактаби таҳлилчилари тайёрлаган ҳисоботни эълон қилди.
Унга кўра, совет қурол-яроғларини етказиб бериш 2022 йилга нисбатан икки баравар камайган.
«Россия энди таъмирлаш учун камроқ ускуналар юбормоқда. Ҳозирда фронтда 1940 йилларнинг охирида ишлаб чиқарилган Т-54 типидаги қадимий танклар учрайди. Шунингдек, 1970 йилларда ишлаб чиқарилган Т-72 ва Т-80 моделлари ҳам қўлланилади. СССР омборларидаги қуролларнинг яна бир тугаганлик белгиси Шимолий Кореядан кенг кўламли ўқ-дориларнинг етказиб берилишидир. У ердан 2024 йилнинг ўзида 250 минг тоннадан ортиқ снарядлар келиб тушди», — дейди таҳлилчи Павло Шкуренко
Таҳлилчининг қўшимча қилишича, ушбу ёрдамлар Россиянинг ўзини-ўзи таъминлаш ҳақидаги иддаоларини йўққа чиқаради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг