Пойтахтга яна бир «Афросиёб» тезюрар поезди келди
Яқиндагина "Афросиёб" электропоездининг узоқ кутилган ҳаракатланувчи таркиби Тошкентга этиб келди. "Ўзбекистон темир йўллари» АЖ Ахборот-таҳлилий медиа маркази хабарига кўра, 2019 йилнинг июнь ойида Испаниянинг "Patentes Talgo S.L.U" компанияси билан "Ўзбекистон темир йўллари» АЖ ўртасида Talgo-250 серияли иккита тезюрар электропоезд сотиб олиш учун шартнома имзоланган эди.
Келишувларга кўра, бу йил октябрь ойигача "Ўзбекистон темир йўллари» АЖ локомотив паркини иккита тезюрар "Афросиёб" электропоезди билан тўлдириш керак эди. Испаниянинг "Patentes Talgo S.L.U" компанияси ўз мажбуриятларини тўлиқ ва ўз вақтида бажарди.
Таъкидлаш жоизки, ушбу ҳаракатланувчи таркиб кетма-кет олтинчиси бўлиб, инвестиция лойиҳаси доирасида сотиб олинди. Инвестиция лойиҳасига кўра, иккита поезддан ташқари, испан компанияси тўртта захира эконом-классли вагонлар, шунингдек, поездларга техник хизмат кўрсатиш учун ускуналар етказиб беради. Шартнома Испания компанияларини корпоратив халқаролаштириш жамғармаси (FIEM) кредити ҳисобидан молиялаштирилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг