Мисрда энг қадимий пиво заводи қолдиқлари топилди
Археологлар Ниль дарёси дельтасида қадимги пиво заводи қолдиқларини аниқлашди.
Мутахассисларнинг айтишича, мазкур топилма бу борада дунёдаги энг қадимийси бўлиши мумкин. Мазкур объектнинг тарихи беш минг йиллик бориб тақалиши тахмин қилинмоқда.
Luxor Times’нинг ёзишича, тадқиқотлар пайтида нафақат соҳага тегишли буюмлар, балки милоддан аввалги 3200-3000 йилларда, Қадимги Миср давригача яшаган одамлар ва итларнинг мўмиёланган жасадлари ҳам топилди. Хусусан, улар орасида энг қадимги ҳайвон зотларидан бири ва бугунги кунда жуда ноёб бўлган араб тозилари ҳам бор эди.
Олимлар пивони энг қадимги ичимликлардан бири, деб ҳисоблашади. Уни тўрт минг йиллар илгари нафақат Қадимги Миср, балки Хитойда ҳам тайёрлашни билишган.
Археологларнинг айтишича, пиво заводи қолдиқлари учраган ҳудуд Қадимги Мисрда алоҳида роль ўйнаган. Сабаби Нилнинг бошқа жойларидан бу каби иншоот топилмаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг