Ўзбекистонда вакцина билан эмланганлар орасида Инновация вазирлиги раҳбариятининг 20 нафар оила аъзолари ҳам бор
Аввалроқ, Ўзбекистонда коронавирусга қарши вакцина синови бошлангани ҳақида хабар берган эдик.
Инновацион ривожланиш вазирлиги Матбуот хизматининг хабар беришича,Zhifei Longcom Biopharmaceutical Co. Ltd компаниясининг Ўзбекистонда III фаза синовларидан ўтаётган вакцинаси.
Мазкур компания томонидан ишлаб чиқилган ва ҳозирда клиник синовдан ўтиши бошланадиган вакцина коронавирус юза антигенининг генетик-муҳандислик оқсили бўлиб, у аденовирус ҳамда инактивлашган вакцина турлари билан таққосланганда юқори даражада хавфсиз ҳисобланади. Яъни рекомбинант оқсил кўринишидаги вакцина вируснинг бир бўлагини юқори технологиялар асосида сунъий кўпайтириб олишга асосланган. Генетик-муҳандислик оқсили зарарланган организмда айнан унга қарши антитаначалар ишлаб чиқаради.
Ушбу вакцина I ва II фаза клиник синовларда нисбатан юқори хавфсизлик профилига эгалигини намоён этди. Инновацион ривожланиш вазирлиги раҳбариятининг 20 та кўнгилли оила аъзолари Хитойдан олиб келинган рекомбинант вакцина билан биринчи дозада эмланди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг