Ўзбекистонда карантин пайтида интернет тезлиги ўсган
2020 йил июннинг иккинчи ярми ҳолатига кўра Ookla компанияси Speedtest.net сервиси COVID-19нинг интернет глобал суръатига таъсирини эълон қилди. Бунинг натижаларига кўра, Ўзбекистонда интернет тезлиги 8 фоиз (Fixed Speed Change), мобил интернет тезлиги эса 16 фоизга (Mobile Speed Change) кўтарилган. Бу ҳақда Ахборот технологиялари ва коммуникацияларини ривожлантириш вазирлиги хабар берди.
Жаҳон миқёсида коронавирус пандемияси шароитида июнь ҳолатига кўра интернет тезлиги 2, глобал мобил интернет тезлиги эса 8 фоиз кўтарилган.
Қайд этилишича, Ўзбекистонда охирги бир йилда интернет тезлиги бўйича ижобий ўзгаришлар амалга оширилди. Таҳлилларга кўра интернет тезлиги қарийб 2,3 баробар ўсган. 2019 йил март ҳолатига кўра 11,62 Мбит/с., 2020 йил 1 июнь ҳолатига кўра 26,77 Мбит/с. ни ташкил этди. 2020 йил 15 июнь ҳолатига кўра эса Ўзбекистонда интернет тезлиги 27,59 Мбит/с. гача кўтарилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг