Ўзбекистон Тожикистонга 24 тонна дори-дармон юборди
Президент Шавкат Мирзиёевнинг топшириғига биноан Ўзбекистон Тожикистоннинг Душанбе шаҳрига навбатдаги инсонпарварлик ёрдамини юборди. Бу ҳақда Asia-Plus манбаси хабар берди.
24 тонна ҳажмдаги гуманитар ёрдам дори-дармонлар, хусусан, антибиотиклардан ташкил топган.
Ушбу ёрдам Душанбе шаҳар соғлиқни сақлаш ва ижтимоий ҳимоя қилиш бошқармасига топширилди.
Душанбе шаҳри раиси Рустам Эмомали тегишли шаҳар тузилмаларига коронавирус билан касалланганларни даволаш учун олинган дори-дармонларнинг мақсадли ишлатилишини қатъий назоратга олиш ҳақида топшириқ берган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг