Ўзбекистон гилоси Ўмонга экспорт қилинади
Мамлакатимиз элчихонаси кўмагида «Lulu Group International» ширкатининг Ўмон бўйича ҳудудий бошқармаси ва Ўзбекистоннинг «MilMax Group» компанияси раҳбарияти ўртасида видеоконференция шаклида учрашув ташкил этилди.
Онлайн учрашувда Ўзбекистонда етиштирилаётган қишлоқ хўжалиги маҳсулотларини Ўмонга экспортини йўлга қўйиш масалалари муҳокама қилинди. Шунингдек, Ўзбекистон томони қишлоқ хўжалиги маҳсулотларини етиштириш ва хорижга экспорт қилиш борасидаги тажрибаси ҳамда имкониятлари бўйича тақдимот ўтказди.
Ўмонда 40 дан ортиқ супермаркетларга эгалик қиладиган «Lulu Group International» ширкати вакиллари юртимизда етиштирилган маҳсулотларни Маскатга етказиб берилишидаги нархлар борасида бир тўхтамга келишса, импорт жараёни бошланади.
Учрашув якунида ўзаро ҳамкорликнинг биринчи қадами сифатида Ўзбекистон гилосини Ўмонга экспортини бошлаш тўғрисида келишиб олинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг