Олмалиқда қимматбаҳо металлар ўғрилари қўлга тушди
Фото: Иллюстратив фото
Маълум қилинишича, олмалиқлик фуқаро «Олмалиқ КМК» АЖнинг бир гуруҳ ишчилари билан жиноий тил бириктирган. У «Олтин ва кумушни афинажлаш цехи»нинг кийим алмаштириш хонасига қимматбаҳо металл–саноат қумларини яшириб қўйгани фош бўлган.
Ҳуқуқни муҳофаза қилувчи органлар ходимлари томонидан ушбу ячейканинг пастки қисмида перчаткада жойлаштирилган умумий оғирлиги 4 килограмм 435 грамм бўлган саноат маҳсулоти–шлам процессуал тарзда расмийлаштириб олинган. Лаборатория таҳлили натижаларига кўра, ушбу саноат қумлари таркибида умумий нархи 117,5 миллион сўмлик 160.5 грамм қимматбаҳо металлар мавжудлиги аниқланган.
Гумонланувчи шахс Чирчиқ шаҳрида «Олмалиқ КМК» АЖнинг қўриқлаш хизматига бўлиб ўтаётган қабулга қатнашиш учун келган вақтида қўлга олинган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг