Фото: Depositphotos

Лондон Империал коллежи олимлари маълум вақт давомидаги очлик зарарланган нервларни тиклаш усулларидан бири деб ҳисоблашмоқда. Бу борадаги тадқиқот натижалари «Nature» журналида чоп этилган.

Тажрибалар нерви шикастланган сичқонларда ўтказилди. Ҳайвонлар икки гуруҳга бўлинган. Биринчи гуруҳ маълум вақт давомида оч қолдирилган, иккинчиси эса ҳеч қандай чеклов қўлланилмаган. 

Тажриба давомида биринчи гуруҳдаги сичқонларда ичак бактериялари нерв жараёнларини қайта тиклаш учун зарур бўлган 3-индолпропион кислотаси (ИПА) деб аталадиган метаболит ишлаб чиқаришни кўпайтирганини аниқланган.

Натижаларни тасдиқлаш учун сичқонларнинг йўғон ичаклари антибиотиклар билан бактериялардан тозаланди ва кейин ИПА ҳосил қилиши мумкин бўлган Клостридийнинг генетик жиҳатдан ўзгартирилган штаммлари юборилган.

«Клостридийлар ИПА ишлаб чиқара олмаганида, регенерация бузилди. Бу бактериялар томонидан ишлаб чиқарилган ИПА ҳақиқатан ҳам шикастланган нервларни даволаш ва тиклаш қобилиятига эга эканлигидан далолат беради», дейди тадқиқотчилар.

Келажакда олимлар нервлари шикастланган одамларда ўз натижаларини синаб кўришни режалаштирмоқда.