Олимлар коронавирусни оғирлаштирувчи омилни аниқлашди
Фото: Getty Images
АҚШнинг Йел университети тадқиқотчилари коронавирус билан зарарланган беморларнинг қонида жуда кўп миқдордаги агрессив антитаначаларни топишди. Улар вирусга қарши курашиш ўрнига инсон органлари, тўқималар ва организмнинг иммунитет тизимига ҳужум қилади.
Олиб борилган кузатишларда бундай антитаначалар касалликни оғир кечишига олиб келиши мумкинлигини маълум бўлган. Тадқиқотнинг дастлабки натижалари “medRxiv” электрон илмий порталида эълон қилинди.
Мутахассисларнинг фикрича, инфекцияни юқтирган одамнинг қонида бундай антитаначалар қанча кўп бўлса, касаллик шунча оғир ўтади.
Олимлар, шунингдек, коронавирус билан касалланганда агрессив антитаначаларнинг кескин кўпайиши соғлиқда узоқ муддат муаммоларни келтириб чиқиши мумкин, деб ҳисоблашмоқда. Негаки, бемор инфекциядан соғайгандан кейин ҳам антитаначалар танада узоқ вақт сақланиб қолиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг