Япониялик олимлар коронавирус учун вакцина ишлаб чиқишни бошлашди. Унинг ёрдами билан инсон организми учун бурунда антитаначалар пайдо бўлиши керак.

ТАСС хабарига кўра, Казухико Катаяма бошчилигидаги Токиодаги Китасато университети мутахассислари томонидан ишлаб чиқилиши кутилаётган вакцинани одамлар организмига бурун орқали юбориш режалаштирилган бўлиб, айнан шу усул ёрдамида бурун бўшлиғининг орқа қисмида антитаначалар ишлаб чиқарилиши тахмин қилинмоқда.

Вакцина микроскопик ҳажмга эга игнага ўхшаш молекулалардан иборат бўлиб, нафас олиш ва бурун шиллиқ қаватига тушади. Иммунитет тизими организмда вирус қарши тура оладиган антитаначаларни ишлаб чиқариш орқали препаратга реакция беради.

Катаяма коронавирусдан ҳимоя қилишнинг ушбу усули қонга юборилган вакциналарга қараганда самаралироқ бўлиши мумкин деб ҳисобламоқда.

"Янги коронавирус антитаначалари организмда қандай пайдо бўлишига қараб индивидуал фарқларга эга ва биз уларнинг қанча давом этишини билмаймиз. Шунинг учун биз ишлаб чиққан вакцинация усулининг самарадорлигини тасдиқлаш ниятидамиз”, - дея таъкидлайди мутахассис.

Маълум қилинишича, яқин кунларда ушбу вакцинанинг ҳайвонларда синаб кўриш жараёни бошланади.