Норин тумани ҳокими блогерга велосипед совға қилди

20:36 16 Декабрь 2020 Жамият
1680 0

Бугун халқ депутатлари Норин тумани Кенгашининг ўн саккизинчи сессиясида туман ҳокими Дилмурод Қодиров 2020 йилда ҳудудни ижтимоий–иқтисодий ривожлантириш борасида амалга оширилган ишлар ва 2021 йилга мўлжалланган устувор вазифалар юзасидан мурожаат билан чиқди. Сессия якунида туман ҳокими, сектор раҳбарлари, журналист ва блогерлар иштирокида матбуот анжумани бўлиб ўтди.

Туман ҳокими жойларда амалга оширилаётган ибратли ишларни ёритиш ҳамда мавжуд камчиликларни кўрсатиб беришда оммавий ахборот воситалари ва ижтимоий тармоқларнинг фаол иштирокини эътироф этиб, журналист ва блогерларга миннатдорчилик билдирди.

Шундан кейин ҳоким ижодкорларни Норинда ишлаб чиқарилаётган маҳсулотлар кўргазмаси билан таништирди ва анжуманда фаоллик кўрсатган блогерга туманда ишлаб чиқарилган велосипедни совға қилди.

Қудратилла НАЖМИДДИНОВ,
«Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Янгиликлар тақвими

Кластер