Назоратсиз буюм сабабли йўналишдаги поездлар белгиланган жадвалдан бир муддат кечиккан ҳолда ҳаракатланган — "Тошкент метрополитени" ДУК
Бугун соат 07:57 лар атрофида «Беруний» бекатига кириб келган 33-сонли ҳаракат таркиби, айланма йўлга киришидан олдин метрополитен ходимлари томонидан текширилганда, вагон ичида назоратсиз буюм мавжудлиги аниқланган.
Йўловчилар ва ҳаракат хавфсизлигини таъминлаш мақсадида, белгиланган йўриқномага асосан, ушбу поезд текширув йўлагига юборилган. Текширув натижалари давомида ушбу назоратсиз буюм йўловчилардан бирининг шахсий буюми эканлиги аниқланган.
Бунинг натижасида эса йўналишдаги поездлар белгиланган жадвалдан бир муддат кечиккан ҳолда ҳаракатланган.
"Шу ўринда йўловчилардан метро хизматидан фойдаланишда ўз шахсий буюмларига эътиборли бўлишларини яна бир бор эслатиб ўтамиз. Бу метро поездлари йўналишларда белгиланган жадвалга асосан ҳаракатланиши учун асосий туртки бўлаётганини маълум қиламиз" дейилади расмий изоҳда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг