Фото: Мудофаа вазирлиги

Ўзбекистон Республикаси Мудофаа вазирлиги тизимида қатор тайинловлар амалга оширилди. Бу ҳақда вазирлик матбуот хизмати хабар берди.

Маълум қилинишича, Ўзбекистон Республикаси Президентининг тегишли фармойишига мувофиқ, генерал майор Шерматов Фарҳоджон Ортиқович Ўзбекистон Республикаси ҳарбий хавфсизлик ва мудофаа университети бошлиғининг биринчи ўринбосари лавозимига тайинланган. У ушбу тайинловга қадар Жануби-ғарбий махсус ҳарбий округ қўшинлари қўмондони лавозимида фаолият юритган.

Президентнинг тегишли фармойиши билан полковник Турсунов Кадиржон Абдипаттаевич Жануби-ғарбий махсус ҳарбий округ қўшинлари қўмондони лавозимига тайинланган. У мазкур тайинловга қадар Ўзбекистон Республикаси мудофаа вазирининг жанговар тайёргарлик бўйича ўринбосари лавозимида фаолият юритган.

Бундан ташқари:

• полковник Зоидов Қаҳрамонжон Обиджонович Ўзбекистон Республикаси ҳарбий хавфсизлик ва мудофаа университетининг Қуруқликдаги қўшинлар институти бошлиғи лавозимига;
• полковник Абдулла Адхамович Хамраев Ўзбекистон Республикаси ҳарбий хавфсизлик ва мудофаа университетининг Ҳарбий авиация институти бошлиғи лавозимига;
• подполковник Раҳимов Бахтиёр Нематович Ўзбекистон Республикаси ҳарбий хавфсизлик ва мудофаа университетининг Ахборот-коммуникация технологиялари ва алоқа ҳарбий институти бошлиғи лавозимига;
• тиббий хизмат полковниги Расулов Улуғбек Абдугафурович Ўзбекистон Республикаси ҳарбий хавфсизлик ва мудофаа университетининг Ҳарбий тиббиёт институти бошлиғи лавозимига тайинланган.